2008

Dægurefni fyrri hluta ársins.

Nýrra efni er á blogginu mínu:

Maí 2008. Þróun laxveiða í tilefni umhverfisráðstefnu í Færeyjum. Umhverfisráðstefna var haldin í Færeyjum 7. og 8 apríl. Þar töluðu m.a. Al Gore, Orri Vigfússon og Bogi Hansen haffræðingur. Sagt var frá þessu í færeyskum fjölmiðlum, að Orri hafi orðið þekktur í Færeyjum eftir að hann keypti upp laxakvóta, m.a. í Færeyjum til þess að stöðva úthafsveiðar eftir laxi. Í fréttinni sagði svo: "Markmiðið var að fá meiri lax í árnar á Íslandi - og það tókst". Hér er nánari umfjöllun mín um hnignun laxveiða ..meira

Mars 2008. Viðtal við mig í páskablaði Fiskifrétta. Það snýst um hvort hægt sé að geyma fisk í sjónum þegar hann líður skort og vex illa. Ég færi fyrir því rök að það sé ekki hægt. Í sama blaði er einnig viðtal við sviðstjóra Hafró um það sama og hann segir að allt sé í lagi, fiskur sé ekki horaður, hann sé bara styttri m.v. aldur. Bæði viðtölin fara hér á eftir : .... meira

Mars 2008. Ný vísindauppgötvun um stofnsveiflur í Mývatni! Eftirfarandi frétt um tengsl vinnslu og átubrests í Mývatni var lesin í útvarpsfréttum 6. mars 2008: "Lítil röskun á umhverfinu getur valdið margfaldri sveiflu í vistkerfinu og þannig haft afdrifarík á hrif á lífsafkomu okkar. Þetta er niðurstaða nokkurra vísindamanna sem rannsökuðu breytingar á mýflugustofninum við Mývatn". ..meira..

Mars 2008. Urriðinn á hellunni. Sl. október fann ég dauðan urriða á hellunni, sem er neðan við lokumannvirki Landsvirkjunar þar sem Sogið fellur úr Þingvallavatni.....meira..

Febrúar 2008. Stöðvun loðnuveiða - áður en þær hefjast að marki. Hafró ákvað nú þann 21. febrúar að stöðva loðnuveiðar þar sem ekki einu sinni hafði tekist að mæla það sem væri nauðsynlegur hrygningarstofn. Hver ákvað annars þá tölu? Mig minnir að Hjálmar hafi í bernsku dregið þá tölu fram úr töfrahatti. - Í tilefni þessa hef ég tekið saman skrif sem hafa verið á tvist og bast hér í Fiskikassanum, til að fá tímalegt samhengi í atburðarrásina. Þetta má finna hér:

Janúar 2008. Hernaðurinn gegn sjávarútveginum (Brimfaxi janúar 2008)

Aðförin að sjávarútveginum heldur áfram, því enn berast neikvæðar niðurstöður frá Hafró um þorskstofninn. Niðurstöður haustralls voru kynntar í byrjun desember og reyndist vísitalan hafa minnkað um 20% frá í fyrra." Þetta er svipað og við bjuggumst við" sögðu snillingarnir. Ekki hafa verið veidd nema tæp 200 þús tonn, svo vöxtur í stofninum er enginn. Hann nær ekki að framleiða nóg til að standa undir veiðinni við þessa litlu sókn, hvað þá að vaxa. ..meira...

Febrúar 2008. Lykillinn að viðhaldi kvótakerfisins?

Það sem heldur kvótakerfinu gangandi er sú trú manna að það sé hægt að veiða síðasta fiskinn. Duglegust í að halda þessu fram er Rannsóknastofnun Ríkisins, - Hafró. Allir, þ.á.m. stjórnmálamenn, trúa því að það sé nauðsynlegt að skera niður veiðar, þeir ræða ekki möguleikann: Er ekki allt í lagi að veiða? Er eitthvert gagn í að friða fisk? Áratuga friðun hefur ekki skilað öðru en aflaminnkun!

Hafró hélt rástefnu um þorsk hér á dögunum. Ég ákvað að vera með þó ekki fengjust upplýsingar um hvernig hún yrði skipulögð. Það kom í ljós að hún fylgdi gamalkunnri uppskrift, sem gekk út á hræða landann.... meira...

- HEIM -