Grænland

Skrifað 2013

Mikið hefur verið af þorski við Grænland undanfarin ár. Miklar göngur vertíðarþorsks við Ísland 2009- 2013 koma sennilega að hluta til frá Grænlandi en Hafró er hætt að minnast á Grænlandsgöngur í skýrslum sínum þó sjómenn þykist þekkja Grænlandsþorskinn.

Læðist að manni sá grunnur að þeir vilji ekki láta það uppi vegna þess að þá eiga þeir erfiðara með að skrifa þessar miklu göngur á sínar eigin uppbyggingatilraunir.

Hin mikla þorskgegnd við Grænland virðist hins vegar hafa farið framhjá vísindamönnum. Það er eins og þeir geti hvergi fundið fisk. Skemmst er að minnast að þýski togarinn Kiel, sem nýtir þarna aflaheimildir ESB veiddi 700 tonn á einni viku og hefur farið á þessi mið í nokkur ár með viðkomu á Íslandi.

Nú, árið 2013, eru þarlendir vísindamenn (og ICES) enn að "byggja upp stofninn" (sem lengi hefur verið risastór) með því að halda aftur af veiðunum.

Aflaheimildir á djúpslóð, utan við 3 sjm. eru 5000 tonn og á grunnslóðinni 3500 tonn.

Að mínu mati nær þetta ekki nokkurri átt, grænlenska strandlínan er sú lengsta í heimi og fiskveiðilandhelgin er risastór. Skipafloti Grænlendinga gæti hvergi nærri nýtt allt þetta svæði í frjálsri sókn.

Ég gerði úttekt á þorski og horfum þorskveiða við Grænland, fyrst árið 2001 og aftur árið 2007. Meiningin var að ég færi til Grænlands til að kynna skýrsluna ásamt Jörgen Niclasen fyrrverandi sjávarútvegsráðherra Færeyja, sem hafði fengið mig í vinnu nokkrum árum áður. Hann vildi vera með til að styðja mig og gefa mér meðmæli.

Sú ferð var hins vegar blásin af eftir að grænlenska náttúrustofan frétti af okkur. Þá slitnaði allt samband mitt við Grænland. Skyldu þeir hafa hringt til Íslands og gefið okkur "meðmæli"?

Upphaf, og endir, úttektar minnar 2007 var svona:

Ég var beðinn um að skrifa skýrslu á grundvelli gagna sem Kim Höeg-Dam aflaði fyrir eigin reikning eins og fram kemur í pósti frá honum hér að neðan. Ég aflaði meiri gagna og skrifaði eftir það skýrslu, sem ég sendi til Grænlands.Stóð til að þýða hana á Grænlensku og að ég myndi kynna hana fyrir sjávarútvegsráðherra á Grænlandi að því loknu.

Ekkert varð úr þessu og allt blásið af. Skildist mér að ráðherrann hefði haft samband við náttúrurannsóknastofu Grænlands og þeir fengið hann til að hætta við að fá mig. Því hljóta þeir að hafa aflað upplýsinga um mig og það gera þeir með því að hafa samband við ICES félagana. Ég reikna með að að ég hafi ekki fengið jákvæð ummæli þaðan, eftir að hafa verið í Færeyjum, Skotlandi og N-Írlandi að ergja þá. Reyndar Danmörku líka og Brussel, ásamt Jörgen Niclassen fyrrum sjávarútvegsráðherra Færeyja, síðar utanríkisráðherra

Skeytið frá Kim í janúar 2007:

Mit navn er Kim Høegh-Dam, jeg er fisker og ejer 2/3 af aktierne i selskabet Arctic Prime Fisheries A/S, sammen med PF JFK fra Færøerne, der ejer 1/3. Vi fisker primært ved Grønland men har ligeledes kvoter ved Færøerne og Norge, som følge af nogle bilaterale aftaler mellem Grønland og de omtalte lande.

Gennem de sidste 3 år har jeg for egen regning lavet fiskeriundersøgelser i Sydvest Grønland og Sydøst Grønland, og i den forbindelse har jeg specielt i 2006 kunne konstatere en meget stor udvikling i bestanden, af torsk med en meget stor spredning af størrelserne. I hele det grønlandske område er vi 4 rederier med ialt 5 skibe over 300 Brt, der fisker efter torsk.

Jeg har talt med det grønlandske landsstyre, og de har anmodet mig om at komme med mere videnskabligt velfunderete agumenter der kan skabe den nødvendige tvivl omkring den rpådgivning der er givet på et 0 fiskeri på bestanden af de danske biologer frá Grønlands Natur Institut.

Jeg skal derfor spørge dig hvor meget det vil koste at få lavet en videnskabeligt funderet modargumenation - evt at få dig til grønland og fremkomme med dine vurderinger overfor landsstyret.

Hér er svo slóð á skýrsluna um rannsóknirnar sem Kim lét gera.

Hann getur verið stór Grænlandsþorskurinn. Sigurður Þórðarson vinur minn 6 ára um borð í Austfirðingi á Grænlandsmiðum 1952. Faðir hans, Þórður Sigurðsson frá Hvassahrauni, var skipstjóri.